Дастаи футболи «Истиқлол»-и Душанбе, барандаи Ҷоми Тоҷикистон дар соли 2009, субҳи 11-уми март ба Туркия сафар кард.
Салоҳиддин Ғафуров, сармураббии тими «Истиқлол», ба радиои Озодӣ гуфт: «Ба ҳайати даста 20 футболбоз шомиланд, ки байни онҳо бозигарони имсол ба «Истиқлол» даъватшуда, ба мисли дарвозабон Абдулазиз Маҳкамов ва ҳамлагар Фарҳод Тоҳиров, ҳарду аз тими «Парвоз»-и Бобоҷон Ғафуров, ҳимоятгар Умед Ҳабибуллоев, аз дастаи «Хуҷанд»-и Хуҷанд, ва нимҳимоятгар Анвар Норқулов, аз дастаи «Вахш»-и Қурғонтеппа, ҳастанд. Дар ҷараёни ин ҷамъомади таълимию тамринӣ, ҳамчунин, мо рӯзҳои 14-ум, 18-ум ва 21-уми март бо дастаҳои лигаи аввали Русия се бозии рафиқона анҷом хоҳем дод».
Ба гуфтаи Салоҳиддин Ғафуров ҷамъомади таълимию тамринии «Истиқлол», ки дар шаҳри Анталияи Туркия то рӯзи 24-уми март идома хоҳад кард, охирин давраи омодагии даста ба мусобиқаи қаҳрамонии лигаи олии футболи Тоҷикистон маҳсуб мешавад.
Ба гуфтаи Салоҳиддин Ғафуров ҷамъомади таълимию тамринии «Истиқлол», ки дар шаҳри Анталияи Туркия то рӯзи 24-уми март идома хоҳад кард, охирин давраи омодагии даста ба мусобиқаи қаҳрамонии лигаи олии футболи Тоҷикистон маҳсуб мешавад.