Ширкати «РАО ЕЭС»-и Русия иддаъо мекунад, ки Тоҷикистон 3 миллион доллар аз ин ширкат қарздор аст ва бояд онро бипардозад.
Ширкати «РАО ЕЭС»-и Русия зимни номае ба унвонии сарвазири Тоҷикистон аз ҳукумати кишвар хостааст, қимати нерӯи барқи истифодакарда аз нерӯгоҳи «Сангтӯда-1»-ро бипардозад.
Дастгоҳи нахустини нергӯҳои «Сангтӯда-1» дар моҳи январи соли равон ба кор андохта шуда буд.
Ба иддаъои «РАО ЕЭС» дар ҳоли ҳозир Тоҷикистон аз ин ширкат беш аз 3 миллион доллар қарздор аст.
Нерӯгоҳи «Сангтӯда-1», ки танҳо як агрегати он то кунун мавриди баҳрабардорӣ қарор гирифтааст, як тарҳи муштараки ду кишвар аст, ки 75 дарсади саҳмияҳои он моли Русия мебошад ва 25 дар сади он ба давлати Тоҷикистон тааллуқ дорад.
Рашид Гулов, сармуҳандиси ширкати «Барки тоҷик», ба родиюи "Озодӣ" гуфт, ки Тоҷикистон ин қарзи худро дар зудтарин фурсат мепардозад.