Давраи дувуми мусобиқоти қаҳрамонии лигаи олии футболи Тоҷикистон оғоз гардид.
Дастаи «Парвоз»-и ноҳияи Бобоҷон Ғафуров дар майдони худ «Гвардия»-и Душанберо бо ҳисоби 5:1 шикаст дод. Воқиъан, дар ин дидор ҳамлагари «Парвоз» Нуъмонҷон Ҳакимов 2 гол ба самар расонид ва акнун ӯ бо 11 гол дар сабқати нишонзанҳои беҳтарин пешсаф аст. Дастааш - «Парвоз» - низ бо 28 имтиёз дар садри ҷадвали мусобиқот қарор гирифтааст.
Дастаи «Регар» ТадАЗ-и Турсунзода, ки дар меҳмонӣ CSKA «Помир»-и Душанберо бо ҳисоби 4:0 ноком кард, бо 26 имтиёз дар зинаи дуввум ҷойгир шудааст.
Дастаи «Хуҷанд»-и Хуҷанд, ки ғайричашмдошт дар майдони худ бозиро бо «Саройкамар»-и ноҳияи Панҷ бо ҳисоби 1:1 анҷом дод, бо 23 имтиёз мавқеъашро дар зинаи севвум нигаҳ дошт.
Натоиҷи ду бозии дигари даври 12-ум чунин аст: «Равшан» (Кӯлоб) – «Вахш» (Қурғонтеппа) – 1:3, «Энергетик» (Душанбе) – «Динамо» (Душанбе) – 1:1.
Мавқеъи дастаҳо дар ҷадвали мусобиқот
Ҷ | Дастаҳо | Б | Ғ | М | Б | Т | И |
1. | «Парвоз» | 11 | 9 | 1 | 1 | 27-9 | 28 |
2. | «Регар» ТадАЗ | 11 | 8 | 2 | 1 | 32-8 | 26 |
3. | «Хуҷанд» | 11 | 7 | 2 | 2 | 11-6 | 23 |
4. | «Вахш» | 11 | 5 | 2 | 4 | 13-10 | 17 |
5. | «Динамо» | 11 | 4 | 4 | 3 | 14-12 | 16 |
6. | CSKA «Помир» | 11 | 5 | 0 | 6 | 10-18 | 15 |
7. | «Тоҷиктелеком» | 10 | 4 | 0 | 6 | 16-17 | 12 |
8. | «Равшан» | 11 | 3 | 1 | 7 | 13-22 | 10 |
9. | «Энергетик» | 11 | 2 | 3 | 6 | 13-21 | 9 |
10. | «Гвардия» | 11 | 2 | 2 | 7 | 11-26 | 8 |
11. | «Саройкамар» | 11 | 1 | 3 | 7 | 13-24 | 6 |
Бозиҳои даври 13-уми мусобиқот: 18-уми июн - «Равшан» (Кӯлоб) – «Тоҷиктелеком» (Қӯрғонтеппа), «Хуҷанд» (Хуҷанд) - «Гвардия» (Душанбе), «Вахш» (Қурғонтеппа) - CSKA «Помир» (Душанбе), «Энергетик» (Душанбе) - «Регар» ТадАЗ (Турсунзода), 19-уми июн - «Парвоз» (Бобоҷон Ғафуров) - «Саройкамар» (Панҷ).