«Истиқлол»-и Душанбе бозии ҷавобии даври чорякниҳоии мусобиқотро дар меҳмонӣ бо «Истаравшан»-и шаҳри Истаравшан бо ҳисоби 0:0 анҷом дод. «Равшан»-и Кӯлоб низ бозиро бо КМВА (Клуби марказии варзишии артиши)-и Душанбе дар майдони худ бидуни гол ба поён расонд. «Регар-ТадАЗ»-и Турсунзода бар дастаи лигаи якум - «Шодмон»-и Ҳисор - бо ҳисоби 5:2 пирӯз шуд. «Хуҷанд»-и Хуҷанд бар дастаи меҳмон - «Вахш»-и Бохтар - бо ҳисоби 2:1 ғалаба кард.
Ба ин тартиб, аз рӯи натоиҷи бозиҳои даври чорякниҳоӣ ҷуфтҳои иштироккунандаи нимфинали Ҷоми Тоҷикистон-2024 муайян шуданд. Дар даври ниманиҳоӣ «Истиқлол» бо “Регар-ТадАЗ” ва “Хуҷанд” бо “Равшан” мубориза мебаранд.
ҶОМИ ТОҶИКИСТОН-2024
1/4 финал. Бозиҳои ҷавобӣ
29-уми август (панҷшанбе)
«Хуҷанд» - «Вахш» - 2:1
Голҳо: Нозим Бобоҷонов, 8 (1:0), Эммануел Мваненго, 19 (1:1), Давронҷон Эргашев, 59 (2:1)
Хуҷанд, варзишгоҳи «Спартак»
29-уми август (панҷшанбе)
«Регар-ТадАЗ» - «Шодмон» - 5:2
Голҳо: Солеҳов, 45+1 – аз пеналти (1:0), Ғоибов, 41 (1:1), Маҳмадиев, 53 (2:1), Осуман, 67 (3:1), Элмуродов, 73 (4:1), Узбекзода, 78 (4:2), Опонг, 89 (5:2)
Турсунзода, варзишгоҳи «ТАЛКО-Арена»
Бозии аввал – 1:0
30-юми август (ҷумъа)
«Истаравшан» - «Истиқлол» - 0:0
Истаравшан, Варзишгоҳи марказӣ
Бозии аввал – 1:2
31-уми август (шанбе)
«Равшан» - КМВА – 0:0
Кӯлоб, варзишгоҳи «Кӯлоб-Арена»
Бозии аввал – 1:0
Дастаи «Истиқлол», ки соли гузашта дар бозии ниҳоии Ҷоми Тоҷикистон тими «Равшан»-и Кӯлобро аз рӯи силсилаи пеналти ё зарбаҳои 11-метрӣ бо ҳисоби 4:2 (замони асосӣ – 0:0, замони изофа – 1:1) шикаст дод, бори даҳум Ҷоми миллиро соҳиб шуд. Бозии ниҳоии Ҷоми Тоҷикистон-2023 1-уми ноябр дар Варзишгоҳи марказии шаҳри Кӯлоб доир гардид.
Бояд гуфт, ки мусобиқот барои Ҷоми Тоҷикистон бори 31-ум сурат гирифтааст. «Истиқол» 14 бор ба финали Ҷоми Тоҷикистон роҳ ёфта, аз ҳама бештар - 10 бор- Ҷоми миллиро ба даст овардааст.