Ин бозии даври аввали мусобиқот дар гурӯҳи “А” 17-уми август дар Варзишгоҳии марказии шаҳри Душанбе доир гардид. Голҳоро Муҳаммад Назриев, Аҳмадҷон Шоев ва Назрулло Ашӯрализода ба самар расониданд.
Дар бозии даври аввал дар гурӯҳи “В” мунтахаби наврасони Узбекистон дастаи Туркманистонро бо ҳисоби 1:0 мағлуб кард. Голи Сардорбек Тулаганмирзоев дар дақиқаи шашуми дидор ба дастаи Узбекистон се имтиёз овард.
Дастаи наврасони Тоҷикистон бозии навбатии худро дар қаҳрамонии CAFA-2024 рӯзи чоршанбеи 21-уми август бо мунтахаби Афғонистон баргузор мекунад. Ин бозии гурӯҳи “А” дар Варзишгоҳи марказии Душанбе соати 21:30 оғоз меёбад.
Дар ду бозии даври дуюми мусобиқот, ки 19-уми август дар Варзишгоҳи марказии ҷумҳуриявӣ доир мегардад, нахуст тимҳои наврасони Афғонистон ва Қирғизистон (соати 18:30), сипас дастаҳои Эрон ва Туркманистон (21:30) вориди рақобат мешаванд.
Дар мусобиқоти қаҳрамонии CAFA-2024, ки дар Душанбе то рӯзи 24-уми август идома хоҳад кард, шаш дастаи мунтахаби наврасони то 17-солаи минтақа – Тоҷикистон, Узбекистон, Қирғизистон, Туркманистон, Эрон ва Афғонистон - иштирок доранд.
Тибқи қуръакашӣ ба гурӯҳи “А” дастаҳои мунтахаби наврасони Тоҷикистон, Қирғизистон ва Афғонистон, ба гурӯҳи «В» тимҳои Узбекистон, Эрон ва Туркманистон дохиланд.
Дар марҳилаи гурӯҳӣ дастаҳо аз рӯйи системи даврӣ рақобат мекунанд. Ғолибони гурӯҳҳо баъдан дар финал ба ҳам меоянд. Дастаҳое, ки дар гурӯҳи худ ҷойи дуюмро мегиранд, дар бозӣ барои ҷойи сеюм мубориза мебаранд. Инчунин барои ҷойҳои панҷуму шашум бозиҳои тасаллобахш сурат мегиранд.
Ширкат дар қаҳрамонии CAFA-2024 барои мунтахаби Тоҷикистон як давраи омодагӣ ба марҳилаи интихобии Ҷоми Осиё-2025 маҳсуб мешавад.
Дастаи мунтахаби наврасони Тоҷикистон (U-17) дар марҳилаи интихобии Ҷоми Осиё-2025 дар гурӯҳи «J» бо тимҳои Умон, Сингапур ва Гуам рақобат хоҳад кард. Бозиҳо дар ин гурӯҳ аз 19-ум то 27-уми октябри соли равон дар Сингапур баргузор мешаванд.
Бар асоси натиҷагирии марҳилаи интихобии Ҷоми Осиё-2025 даҳ дастаи ғолиби гурӯҳҳо ва панҷ тими беҳтарини ҷойҳои дуюм ба қисми ниҳоӣ роҳ меёбанд.
Марҳилаи ниҳоии Ҷоми Осиё-2025 миёни дастаҳои наврасони то 17-сола аз 3-юм то 20-уми апрели соли оянда дар Арабистони Саудӣ доир мегардад.
Қаҳрамонии CAFA-2024 байни дастаҳои мунтахаби наврасон (U-17)
Гурӯҳи «А»
Тоҷикистон
Афғонистон
Қирғизистон
Гурӯҳи «В»
Узбекистон
Эрон
Туркманистон
Даври 1-ум
17-уми август (шанбе)
Гурӯҳи “А”
Қирғизистон - Тоҷикистон – 0:3
Голҳо: Муҳаммад Назриев, 71 (0:1). Аҳмадҷон Шоев, 85 (0:2). Назрулло Ашурализода, 90+3 (0:3).
Гурӯҳи “В”
Туркманистон – Узбекистон – 0:1
Гол: Сардорбек Тулаганмирзоев, 6.
Даври 2-юм
19-уми август (душанбе)
Гурӯҳи “А”
18:30 – Афғонистон - Қирғизистон
Гурӯҳи “В”
21:30 – Эрон – Туркманистон
Даври 3-юм
21-уми август (чоршанбе)
Гурӯҳи “В”
18:30 – Узбекистон – Эрон
Гурӯҳи “А”
21:30 – Тоҷикистон – Афғонистон
23-юми август (ҷумъа)
18:00 – Бозӣ барои ҷойҳои 5-6-ум
21:30 – Бозӣ барои ҷойи 3-юм
Финал
24-уми август (шанбе)
Оғози бозӣ - соати 20:00
Ғолиби гурӯҳи «А» - Ғолиби гурӯҳи «В»
Душанбе, Варзишгоҳи марказии ҷумҳуриявӣ