Сомонаи таҳлилӣ ва омории whoScored.com аз рӯи фарзияи худ рӯйхати тими мунтахаби рамзии беҳтарин футболбозони мусобиқоти қаҳрамонии Аврупо-2024-ро тартиб додаст.
Ба ҳайати дастаи мунтахаби рамзии беҳтарин футболбозони мусобиқоти қаҳрамонии Аврупо-2024 чаҳор нафар аз тими миллии Испания, дунафарӣ аз дастаҳои мунтахаби Олмон ва Португалия, якнафарӣ аз тимҳои миллии Гурҷистон, Словения ва Нидерланд шомил шудаанд.
Аммо ба ин рӯйхат ягон футболбози тими миллии Англия, ки дар бозии ниҳоии мусобиқот иштирок кард, дохил нашудааст. Ҳамчунин, ҳамлагарони машҳур - Килиан Мбаппе аз тими миллии Фаронса ва Криштиану Роналду аз дастаи Португалия ба ҳайати тими мунтахаби рамзии қаҳрамонии Аврупо-2024 дохил нашуданд.
Ёдовар мешавем, дар бозии ниҳоии мусобиқоти қаҳрамонии футболи Аврупо-2024 дар Олмон дастаи мунтахаби Испания тими миллии Англияро бо ҳисоби 2:1 шикаст дод.
Ҳайати дастаи мунтахаби рамзии мусобиқоти қаҳрамонии футболи Аврупо-2024:
Дарвозабон: Георгий Мамардашвили (Гурҷистон);
Ҳимоятгарон: Йозуа Киммих (Олмон), Яка Бийол (Словения), Пепе ва Нуну Мендеш (ҳарду аз Португалия);
Нимҳимоятгарон: Ламин Ямал, Даниэл Олмо, Фабиан Руис (ҳарсе аз Испания);
Ҳамлагарон: Коди Гакпо (Нидерланд), Ҷамол Мусиала (Олмон) ва Нико Уилямс (Испания).