Мақомоти Кӯлоб мегӯянд, ба хотири пешгирӣ аз фоҷеаҳои бештар дар оянда тасмим шуд, ки бо кӯмаку машварати СММ дар шаҳр низоми баландгӯҳои бонги хатар насб шавад. Ҳадаф ин аст, ки сокинон сари вақт аз омадани сел огаҳӣ ёфта ҷони худро наҷот диҳанд, чун бисёр ҳодисаҳои фоҷеабор маҳз аз бехабарии мардум ва набуди фурсати наҷоти ҷони инсонҳо рӯй медиҳанд.
Субҳон Усмониён, як корманди Кумитаи ҳолатҳои фақулода дар шаҳри Кӯлоб дар шарҳи ин матлаб гуфт: “Аз аввали сол мо бо ҳамроҳии як ташкилот системаи огоҳкунии аввалиндараҷаро ба роҳ мемонем”.
Насби системаи бонги хатар на танҳо дар Кўлоб, балки ноҳияҳои Шамсиддини Шоҳин ва Муъминобод ҳам ба нақша гирифта шудааст. Кӯлоб дар минтақае ҷойгир аст, ки аз чаҳор тарафаш рудхонаву наҳрҳо ҷорӣ мешаванд ва фарорасии баҳор аз мавсими хатарноктарин ба ҳисоб меравад.
Дар Кӯлоб то кунун 262 минтақаи хатарнок ва осебпазир дар баробари фалокатҳои табиӣ сабт шудааст. Маҳз дар ҳамин минтақаҳо мардум зарару осеб мебинанд. Моҳи майи соли 2021 сел дар Кӯлоб шаш нафарро кушт ва даҳҳо хонаро вайрон кард.
Браузери шумо HTML5-ро намешиносад
Насби низоми "огаҳӣ аз офатҳои табиӣ" дар Кӯлоб
ИНЧУНИН, БИХОНЕД:
Дар як сол дар Тоҷикистон 800 офати табиӣ рӯй додааст10 миллион доллар ёрии Имомати Исмоилия ба ПокистонЗиёни офатҳои табиӣ дар Хатлон 725 ҳазор сомонӣ ҳисоб шудЗиёни селро дар Исфара ҳисоб кардаандОфатҳои табиӣ дар арафаи таҷлили Наврӯз дар ТоҷикистонТабиат бо "бедодгарӣ" дар Тоҷикистон чанд ҷойро вайрон кард