Ба иттилои Федератсияи футболи Тоҷикистон, тими миллии футзали кишвар 5-уми сентябр бо мунтахаби Испания ва 8-уми сентябр бо мунтахаби Нидерланд рақобат мекунад.
Ҳамчунин рӯзи 7-уми сентябр дар Душанбе бозии дӯстона миёни дастаҳои мунтахаби Испания ва Нидерланд баргузор мешавад.
Ҳар се бозии дӯстона дар маҷмааи варзишии «Кохи Олимп»-и Душанбе доир мегардад.
Бозиҳои дӯстонаи дастаи мунтахаби футзали Тоҷикистон
5-уми сентябр (панҷшанбе)
Оғози бозӣ - соати 20:00
Тоҷикистон – Испания
Душанбе,маҷмааи варзишии «Кохи Олимп»
7-уми сентябр (шанбе)
Оғози бозӣ - соати 20:00
Испания - Нидерланд
Душанбе,маҷмааи варзишии «Кохи Олимп»
8-уми сентябр (якшанбе)
Оғози бозӣ - соати 20:00
Тоҷикистон – Нидерланд
Душанбе,маҷмааи варзишии «Кохи Олимп»
Тими миллии Тоҷикистон дар мусобиқоти қаҳрамонии футзали ҷаҳон, ки аз 14-уми сентябр то 6-уми октябри имсол дар Узбекистон баргузор мешавад, дар гурӯҳи «Е» бо тимҳои Марокаш (16-уми сентябр), Португалия (19-уми сентябр) ва Панама (22-юми сентябр) рақобат мекунад.
Дар ҳамин ҳол ҷамъомади таълимиву тамринии дастаи мунтахаби футзали Тоҷикистон таҳти роҳбарии сармураббӣ Пайрав Воҳидов дар шаҳри Гулистони вилояти Суғд ҷараён дорад, ки то рӯзи 17-уми июл идома меёбад.
Ҳайати дастаи мунтахаби футзали Тоҷикистон дар ҷамъомади таълимиву тамринӣ дар шаҳри Гулистон:
Дарвозабонҳо: Фирӯз Бекмуродов, Фирӯз Бозмамадов, Хушбахт Исоев, Нуриддин Ҷабборов;
Бозигарони майдонӣ: Дилшод Саломов, Умед Қузиев, Бахтиёр Солиев, Идрис Ёров, Самандар Ризомов, Баҳодур Хоҷаев, Фирӯз Сангов, Иқбол Воситзода, Абдуқаюм Умаров, Насратшо Исмоилов;
Баъдан мунтахаби Тоҷикистон барои ширкат дар мусобиқаи байналмилалии дӯстона ба хотираи Мираброр Усмонов, собиқ президенти Ассотсиатсияи футболи Узбекистон, ба шаҳри Тошканд сафар мекунад.
Дар ин мусобиқа, ки аз 19-ум то 24-уми июл дар маҷмааи варзишии «Юнусобод»-и Тошканд баргузор мешавад, дастаҳои мунтахаби Узбекистон, Тоҷикистон, Қирғизистон ва Гватемала ширкат меварзанд.
Мусобиқаи байналмилалии дӯстонаи футзал ба хотираи Мираброр Усмонов
Иштироккунандагон:
Узбекистон
Тоҷикистон
Гватемала
Қирғизистон
Даври 1-ум
19-уми июл (ҷумъа)
17:00 – Қирғизистон – Гватемала
19:30 – Узбекистон – Тоҷикистон
Даври 2-юм
20-уми июл (шанбе)
17:00 – Тоҷикистон – Гватемала
19:30 – Узбекистон – Қирғизистон
Даври 3-юм
22-юми июл (душанбе)
17:00 – Тоҷикистон - Қирғизистон
19:30 – Узбекистон – Гватемала
24-уми июл (чоршанбе)
17:00 – Бозӣ барои ҷойи сеюм
19:30 – Финал
Макони баргузории мусобиқа: Тошканд, маҷмааи варзишии «Юнусобод»
