Аз имзои Созишномаи истиқрори сулҳ ва ризояти миллӣ миёни ҳукумати Тоҷикистон ва Иттиҳоди нерӯҳои мухолифон 25 сол гузашт. Мақомоти Тоҷикистон солҳо боз қарордоди сулҳро намунаи барҷастаи кори худ нишон медиҳанд ва ин таҷрибаро барои ҳалли низоъ дар Афғонистону гӯшаҳои дигари ҷангзадаи дунё муҳим мешуморанд. Намояндагони мухолифон аз он норозиянд, ки ҳукумат натанҳо ба ваъдааш дар мавриди тақсими қудрат наистод, балки сулҳро ҳосили талошҳои як ҷониб донисту онҳоро пурра аз саҳнаи сиёсӣ ронд ва иддаеро зиндониву гуруҳеро фирорӣ кард. Баъзеҳо дар бораи осебпазир шудани сулҳи тоҷикон дар солҳои охир мегӯянд, аммо ин санад, ки имзояш дар ҳашт давр ва беш аз се сол тӯл кашид ва ба ҷанги панҷсолаи дохилӣ поён бахшид, чӣ гуна ба даст омад?